کوہ کن شب تھے رہا شغل سحر ہونے تک

کوہ کن شب تھے رہا شغل سحر ہونے تک

سر پٹکنا اسی دیوار میں در ہونے تک

اس کی عادت تھی مرے خون کو پانی کرنا

رنگ کیا کیا نہ اڑا آنکھ کے تر ہونے تک

اب دوا ہے نہ دعا ہے نہ مسیحا گویا

ہر خدائی تھی مرا خون جگر ہونے تک

عمر بھر پھر سے جدائی کو محبت کہنا

دیکھنا بھی ہے زمانے کی نظر ہونے تک

اپنی آہیں ہی سبک گام نہ ہونے دیں گی

پا بہ زنجیر چلو ختم سفر ہونے تک

شہر کا شہر ہوا اب تو تعاقب میں مرے

تیرا جادو بھی تھا مجھ خاک بسر ہونے تک

یہ تو میں تھا کہ تراشا ہے ہر اک زخم سے پھول

ہاتھ کٹ جاتے ہیں ناخن میں ہنر ہونے تک

koh kin shab the raha shaghl-e-sahar hone tak

sar patakna isi diwar mein dar hone tak

us ki adat thi mire khun ko pani karna

rang kya kya na ura ankh ke tar hone tak

ab dawa hai na dua hai na masiha goya

har khudai thi mira khun-e-jigar hone tak

umr bhar phir se judai ko mohabbat kahna

dekhna bhi hai zamane ki nazar hone tak

apni ahen hi subuk gam na hone dengi

pa ba zanjir chalo khatm-e-safar hone tak

shahr ka shahr hua ab to taaqub mein mire

tera jadu bhi tha mujh khak basar hone tak

ye to main tha ke tarasha hai har ik zakhm se phul

hath kat jate hain nakhun mein hunar hone tak