Arooz is now on the App Store, for iPhone and iPad. Download →

All poetry

نہ تلافیاں ہی مانگیں نہ وفا نہ پیار مانگیں

R P Shokh

نہ تلافیاں ہی مانگیں نہ وفا نہ پیار مانگیں

چلو آج اس سے کھویا ہوا اعتبار مانگیں

ترے شہر میں ہمیشہ یہی قلتیں سہی ہیں

کبھی اس سے طوق مانگیں کبھی اس سے داد مانگیں

ترے عہد میں نہ جینا ترے عہد میں نہ مرنا

ہمیں اختیار ہو تو کوئی اختیار مانگیں

تری بے رخی کے صدقے تری بے رخی نہیں ہے

یہی تو ہے وہ ادا جو ترے جاں نثار مانگیں

کہیں یوں نہ ہو کہ کل ہم غم یار سے بھی جائیں

چلو آ رہی رتوں سے وہی انتظار مانگیں