جب ایک گلعذار کی صحبت میں آ گیا

جب ایک گلعذار کی صحبت میں آ گیا

عارض کا رنگ میری طبیعت میں آ گیا

اپنی رضا سے جس نے مراسم بڑھائے تھے

عرض طلب پہ وہ بھی نزاکت میں آ گیا

جی کے ضرر کو کون اٹھاتا ہے آج کل

اس دل کو داد دے کہ محبت میں آ گیا

پھرتا ہوں دہر میں لیے یہ دوستی کا ہاتھ

لگتا ہے میں بھی کوئے ملامت میں آ گیا

بے دل سے ایک کر کے وفا یوں لگا مجھے

یہ ہاتھ اک مشین کی خدمت میں آ گیا

jab ek gulizar ki sohbat mein a gaya

ariz ka rang meri tabiat mein a gaya

apni raza se jis ne marasim barhae the

arz-e-talab pe wo bhi nazakat mein a gaya

ji ke zarar ko kaun uthata hai aj kal

is dil ko dad de ke mohabbat mein a gaya

phirta hun dahr mein liye ye dosti ka hath

lagta hai main bhi ku-e-malamat mein a gaya

be dil se ek kar ke wafa yun laga mujhe

ye hath ik mashin ki khidmat mein a gaya