تجھ کو سوچوں میں بسا کر شاعری کرتا ہوں میں

تجھ کو سوچوں میں بسا کر شاعری کرتا ہوں میں

ذہن و دل کی وادیوں میں روشنی کرتا ہوں میں

میں ترا رانجھاؔ تو میری ہیر ہے جان غزل

چھوڑ کر ہر کام تیری چاکری کرتا ہوں میں

اپنے دل کے ہر ورق پر نام لکھ لکھ کر ترا

پیش تجھ کو دھڑکنوں کی ڈائری کرتا ہوں میں

ڈوب کر خوابوں میں تیرے کھو کے تیری یاد میں

روز و شب اپنی خودی کو بے خودی کرتا ہوں میں

اس بلندی پر مجھے لائی ہے تیری عاشقی

بند آنکھوں سے ترا دیدار بھی کرتا ہوں میں

حادثوں میں جھونک دیتا ہوں میں اپنے آپ کو

اس طرح خود سے کبھی خود دل لگی کرتا ہوں میں

tujh ko sochon mein basa kar shayari karta hun main

zehn-o-dil ki wadiyon mein raushni karta hun main

main tira ranjha to meri hir hai jan-e-ghazal

chhor kar har kam teri chakari karta hun main

apne dil ke har waraq par nam likh likh kar tira

pesh tujh ko dharkanon ki dairi karta hun main

dub kar khwabon mein tere kho ke teri yad mein

roz-o-shab apni khudi ko be khudi karta hun main

is bulandi par mujhe lai hai teri ashiqi

band ankhon se tira didar bhi karta hun main

hadson mein jhonk deta hun main apne ap ko

is tarah khud se kabhi khud dil lagi karta hun main