وہ تو حشر تھا مگر اس کی اب وہ شباہتیں بھی چلی گئیں

وہ تو حشر تھا مگر اس کی اب وہ شباہتیں بھی چلی گئیں

جو رہیں تو شہر میں کیا رہیں کہ قیامتیں بھی چلی گئیں

ترے دم سے تھیں سبھی رونقیں وہ حبیب تھے کہ رقیب تھے

وہ قرابتیں تو گئی ہی تھیں وہ رقابتیں بھی چلی گئیں

ترا قرب گرچہ تھا جاں گسل وہی قرب تھا مری زندگی

ترے بعد مرگ و حیات کی وہ رفاقتیں بھی چلی گئیں

مری آرزو تھی کہ جاں بکف مری جستجو کہ نفس بہ پا

اب اے زندگی مجھے چھوڑ جا کہ یہ حالتیں بھی چلی گئیں

تو نے دی جو درد کی دولتیں وہ غزل غزل نہ سما سکیں

مرے ہاتھ سے ترے حسن کی یہ وراثتیں بھی چلی گئیں

اسے دیکھ دیکھ کے سوچنا اسے سوچ سوچ کے دیکھنا

وہ عزیز کیا کہ عزیز تر کئی عادتیں بھی چلی گئیں

wo to hashr tha magar us ki ab wo shabahaten bhi chali gain

jo rahen to shahr mein kya rahen ke qayamaten bhi chali gain

tire dam se thin sabhi raunaqen wo habib the ke raqib the

wo qarabaten to gai hi thin wo raqabaten bhi chali gain

tira qurb garche tha jan gusil wahi qurb tha miri zindagi

tire baad-e-marg-o-hayat ki wo rifaqaten bhi chali gain

miri arzu thi ke jan bakaf miri justuju ke nafas ba pa

ab ai zindagi mujhe chhor ja ke ye halaten bhi chali gain

tu ne di jo dard ki daulten wo ghazal ghazal na sama saken

mire hath se tire husn ki ye wirasaten bhi chali gain

use dekh dekh ke sochna use soch soch ke dekhna

wo aziz kya ke aziz tar kai adaten bhi chali gain