وہ نہیں بیچ تو یہ عمر رواں کہتی ہے

وہ نہیں بیچ تو یہ عمر رواں کہتی ہے

کیا چلوں جب کوئی محور سے علیحدہ کر دے

اب جو ٹوٹا ہوں تو اس آنکھ کا جادو سمجھا

وہ تو چنگاری بھی پتھر سے علیحدہ کر دے

کیا کہوں اس سے بچھڑنے کی اذیت کیا ہے

جیسے گردن ہی کوئی سر سے علیحدہ کر دے

ایک مدت سے غم دہر ہے اشکوں میں گھلا

آ کے یہ ریت سمندر سے علیحدہ کر دے

ایک مظلوم زمانہ ہوں میں بد بخت نہیں

غم دنیا کو مقدر سے علیحدہ کر دے

تنگ صحرا ہے جو اندر یہ طلب ہے اس کی

در و دیوار کو اب گھر سے علیحدہ کر دے

اسے دیکھوں کہ میں رنگوں کا وہ منظر دیکھوں

نگہ شوق اسے منظر سے علیحدہ کر دے