بے آب موسموں کا سامان کر کے رویا

بے آب موسموں کا سامان کر کے رویا

یہ دل کہ آنکھ کو بھی ویران کر کے رویا

اس خیر خواہ کو بھی خود ہی تسلیاں دوں

کس کس دعا کا وہ بھی نقصان کر کے رویا

ساون کی زد میں آئے پھر قہقہے بسنتی

تیرا خیال ہم کو حیران کر کے رویا

اس کو پتہ نہیں تھا لائے تھے پل کی مہلت

وہ میزبان ہم کو مہمان کر کے رویا

ڈھونڈا فرار اس نے جب اک رفیق نو میں

وہ اپنی مشکلوں کو آسان کر کے رویا

be ab mausamon ka saman kar ke roya

ye dil ke ankh ko bhi wiran kar ke roya

is khair khwah ko bhi khud hi tasalliyan dun

kis kis dua ka wo bhi nuqsan kar ke roya

sawan ki zad mein ae phir qahqahe basanti

tera khayal ham ko hairan kar ke roya

us ko pata nahin tha lae the pal ki mohlat

wo mezban ham ko mehman kar ke roya

dhunda farar us ne jab ik rafiq-e-nau mein

wo apni mushkilon ko asan kar ke roya