یہ حسرتوں کی مری خاک سے نمو کیا ہے

یہ حسرتوں کی مری خاک سے نمو کیا ہے

ترے بغیر یہ دنیائے رنگ و بو کیا ہے

تو یوں بھی ساتھ مرے جاں بہ لب جدائی میں

وگرنہ یہ جئے جانے کی آرزو کیا ہے

تمہاری یاد سے بڑھ کر کریں عبادت کیا

بہے جب آنکھ سے خود ہی تو پھر وضو کیا ہے

سنبھل کے یوں وہ نئے ہم سفر کے ساتھ چلا

کبھی نہ اس کو بتایا کہ جستجو کیا ہے

میں آج اپنے مسیحا سے کٹ کے آیا ہوں

مرا علاج بتا میرے چارہ جو کیا ہے

لہو تو وہ کہ بہے جب تو نقش یار بنے

نہ اپنا رنگ جمائے تو پھر لہو کیا ہے

ye hasraton ki miri khak se numu kya hai

tire baghair ye duniya-e-rang-o-bu kya hai

to yun bhi sath mire jan ba lab judai mein

wagarna ye jiye jane ki arzu kya hai

tumhari yad se barh kar karen ibadat kya

bahe jab ankh se khud hi to phir wuzu kya hai

sambhal ke yun wo nae ham safar ke sath chala

kabhi na us ko bataya ke justuju kya hai

main aj apne masiha se kat ke aya hun

mira ilaj bata mere chara jo kya hai

lahu to wo ke bahe jab to naqsh-e-yar bane

na apna rang jamae to phir lahu kya hai