ہم ہوئے سارے زمانے سے خفا تیرے لیے

ہم ہوئے سارے زمانے سے خفا تیرے لیے

ظلم کیا کیا نہ سہے جان ادا تیرے لیے

تیرے پروانے کی جاں لے کے رہا وہ آخر

ہم نے چاہت کا جلایا جو دیا تیرے لیے

خود سے بڑھ کر بھی کبھی ہم نے تجھے چاہا ہے

لب پہ روشن رہی ہر وقت دعا تیرے لیے

رات دن ہم نے بہائے ہیں لہو کے آنسو

کی ہے منظور سسکنے کی ادا تیرے لیے

دوستی تجھ سے جو کی ہو گئی دشمن دنیا

عشق کے نام پہ کیا کیا نہ ہوا تیرے لیے

تیری ہر بات کو مانا کیے حامی بھر لی

ہم ہوئے پیکر تسلیم و رضا تیرے لیے

تیری خاطر کیا سمجھوتہ جہاں سے حافظؔ

ہم نے برداشت کی توہین انا تیرے لیے

ham hue sare zamane se khafa tere liye

zulm kya kya na sahe jan-e-ada tere liye

tere parwane ki jan le ke raha wo akhir

ham ne chahat ka jalaya jo diya tere liye

khud se barh kar bhi kabhi ham ne tujhe chaha hai

lab pe raushan rahi har waqt-e-dua tere liye

rat din ham ne bahae hain lahu ke ansu

ki hai manzur sisakne ki ada tere liye

dosti tujh se jo ki ho gai dushman duniya

ishq ke nam pe kya kya na hua tere liye

teri har bat ko mana kiye hami bhar li

ham hue paikar-e-taslim-o-raza tere liye

teri khatir kiya samjhotah jahan se hafiz

ham ne bardasht ki tauhin ana tere liye