مشکل میں رہا وہ بھی کہ تدبیر نہ تھا میں

مشکل میں رہا وہ بھی کہ تدبیر نہ تھا میں

میں خواب تو تھا اس کا پہ تعبیر نہ تھا میں

یوں بھی ہوا اس نے مجھے سجدوں سے نوازا

بد بختی سے جس شخص کی تقدیر نہ تھا میں

وہ چھوڑ گیا راہ میں یہ اس کی رضا تھی

ویسے بھی کسی پاؤں میں زنجیر نہ تھا میں

اس ذوق سخن نے کیا رسوائے زمانہ

پہلے تو ترے راز کی تشہیر نہ تھا میں

کرتا بھی تو کیسے مری پہچان زمانہ

دکھ ایسا تھا خود اپنی بھی تصویر نہ تھا میں

mushkil mein raha wo bhi ke tadbir na tha main

main khwab to tha us ka pe taabir na tha main

yun bhi hua us ne mujhe sajdon se nawaza

bad bakhti se jis shakhs ki taqdir na tha main

wo chhor gaya rah mein ye us ki raza thi

waise bhi kisi paon mein zanjir na tha main

is zauq-e-sukhan ne kiya ruswa-e-zamana

pahle to tire raz ki tashhir na tha main

karta bhi to kaise miri pahchan zamana

dukh aisa tha khud apni bhi taswir na tha main