کس پہ قربان کسے یاد ہوئے تھے ہم بھی

کس پہ قربان کسے یاد ہوئے تھے ہم بھی

یاد اتنا ہے کہ برباد ہوئے تھے ہم بھی

ان دنوں بھی تھے کہاں معنی و الفاظ بہم

لب خاموش سے ارشاد ہوئے تھے ہم بھی

اب تو دیوار پہ لکھے ہیں کئی نام نئے

اس حسیں شہر کی روداد ہوئے تھے ہم بھی

تھا وہاں پیڑ نہ پانی نہ پرندہ کوئی

کس جلے دشت میں آباد ہوئے تھے ہم بھی

ہم نہیں ایسے کہ اب جشن منائیں جھوٹے

اول اول تو بہت شاد ہوئے تھے ہم بھی

لے گئے سارے پر و بال اڑا کر کرگس

یاد آتا ہے کہ آزاد ہوئے تھے ہم بھی

kis pe qurban kise yad hue the ham bhi

yad itna hai ke barbad hue the ham bhi

in dinon bhi the kahan maani-o-alfaz baham

lab-e-khamosh se irshad hue the ham bhi

ab to diwar pe likhe hain kai nam nae

is hasin shahr ki rudad hue the ham bhi

tha wahan per na pani na parinda koi

kis jale dasht mein abad hue the ham bhi

ham nahin aise ke ab jashn manaen jhute

ol awwal to bahut shad hue the ham bhi

le gae sare par-o-bal ura kar kargas

yad ata hai ke azad hue the ham bhi