چارہ سازی کا طلب گار لگے ہے وہ بھی

چارہ سازی کا طلب گار لگے ہے وہ بھی

اک مسیحا ہے سو بیمار لگے ہے وہ بھی

جس کی خاطر لی زمانے کی عداوت ہم نے

اب زمانے کا طرف دار لگے ہے وہ بھی

اب رگ و جاں کو بچاؤں تو بچاؤں کیسے

سانس چلتی ہے تو تلوار لگے ہے وہ بھی

کس طرح منزلیں طے ہوں گی بدن کی اے دل

اس سے ملتا ہوں تو دیوار لگے ہے وہ بھی

بے مغیلاں سہی تپتے ہوئے صحرا کا سفر

پاؤں رکھتا ہوں مگر خار لگے ہے وہ بھی

chara sazi ka talab gar lage hai wo bhi

ik masiha hai so bimar lage hai wo bhi

jis ki khatir li zamane ki adawat ham ne

ab zamane ka taraf dar lage hai wo bhi

ab rag-o-jan ko bachaun to bachaun kaise

sans chalti hai to talwar lage hai wo bhi

kis tarah manzilen tai hongi badan ki ai dil

us se milta hun to diwar lage hai wo bhi

be mughilan sahi tapte hue sahra ka safar

paon rakhta hun magar khar lage hai wo bhi