ماتھے پہ پڑی زلف گرہ گیر ہلا دی
R P Shokhماتھے پہ پڑی زلف گرہ گیر ہلا دی
کیوں تم نے دل خفتہ کی زنجیر ہلا دی
ویسے تو مرے عشق کا ہر نقش حسیں تھا
جب درد نے کھینچی تو یہ تصویر ہلا دی
خط بھیج دیا کاٹ کے پیمان ملاقات
یہ کون ہے جس نے تری تحریر ہلا دی
یوں ہی نہ سمجھ اہل محبت کے جنوں کو
کم بخت نے جب چاہا ہے تقدیر ہلا دی
وہ زلزلہ گو روز ہلا دیتا تھا دل کو
اس بار مگر ساری ہی تعمیر ہلا دی
mathe pe pari zulf-e-girah gir hila di
kyun tum ne dil khufta ki zanjir hila di
waise to mire ishq ka har naqsh-e-hasin tha
jab dard ne khinchi to ye taswir hila di
khat bhej diya kat ke paiman-e-mulaqat
ye kaun hai jis ne tiri tahrir hila di
yun hi na samajh ahl-e-mohabbat ke junun ko
kam bakht ne jab chaha hai taqdir hila di
wo zalzala go roz hila deta tha dil ko
is bar magar sari hi taamir hila di