ہم نے تری طلب کو تمنا بنا لیا

ہم نے تری طلب کو تمنا بنا لیا

پڑھ پڑھ کے تیرا نام وظیفہ بنا لیا

ہموار کر لی پہلے ترے دل کی سرزمیں

اور پھر یہاں پہ اپنا ٹھکانہ بنا لیا

جس کے کنارے بیٹھ کے کرتا تھا تم سے بات

میں نے تو اس ندی سے بھی رشتہ بنا لیا

ہم تو ہمارے دل کو نہ اپنا بنا سکے

لیکن بنانے والوں نے کیا کیا بنا لیا

ہر سانس پہ ہے موت کا دھڑکا لگا ہوا

قاتل کو زندگی نے مسیحا بنا لیا

ہم شاطروں کے شہر میں بے مول بک گئے

ہم کو سیاسی لوگوں نے مہرا بنا لیا

خوشبو سے روز خط لکھا حافظؔ ہوا کے نام

پتوں کو موڑ دے کے لفافہ بنا لیا

ham ne tiri talab ko tamanna bana liya

parh parh ke tera nam wazifa bana liya

hamwar kar li pahle tire dil ki sarzamin

aur phir yahan pe apna thikana bana liya

jis ke kinare baith ke karta tha tum se bat

main ne to is nadi se bhi rishta bana liya

ham to hamare dil ko na apna bana sake

lekin banane walon ne kya kya bana liya

har sans pe hai maut ka dharka laga hua

qatil ko zindagi ne masiha bana liya

ham shatiron ke shahr mein be mol bik gae

ham ko siyasi logon ne mohra bana liya

khushbu se roz khat likha hafiz hawa ke nam

patton ko mor de ke lifafa bana liya