یہ راز کوئی جاننے والا بھی نہیں ہے

یہ راز کوئی جاننے والا بھی نہیں ہے

سورج کی وراثت میں اجالا بھی نہیں ہے

سو رستے کمانے کے نظر آتے ہیں لیکن

کھانے کے لیے ایک نوالہ بھی نہیں ہے

لب نام ترا لینے سے کترانے لگے ہیں

حالانکہ تجھے دل سے نکالا بھی نہیں ہے

کیوں سرخ ہوا ہے یہ فلک آج سر شام

میں نے تو لہو اپنا اچھالا بھی نہیں ہے

وہ لفظ ہوں میں جو نہ ادا ہو سکا حافظؔ

وہ بات ہوں میں جس کا حوالہ بھی نہیں ہے

ye raz koi janne wala bhi nahin hai

suraj ki wirasat mein ujala bhi nahin hai

so raste kamane ke nazar ate hain lekin

khane ke liye ek nawala bhi nahin hai

lab nam tira lene se katrane lage hain

halanke tujhe dil se nikala bhi nahin hai

kyun surkh hua hai ye falak aj sar-e-sham

main ne to lahu apna uchhala bhi nahin hai

wo lafz hun main jo na ada ho saka hafiz

wo bat hun main jis ka hawala bhi nahin hai