ہمارے جینے کی آسانی چھین لیتا ہے

ہمارے جینے کی آسانی چھین لیتا ہے

جگا کے پیاس خدا پانی چھین لیتا ہے

شب فراق وہ آتی ہے خواب میں ملنے

یہ وصل ہجر کی ویرانی چھین لیتا ہے

میں دیکھ لیتا ہوں ہنستا ہوا ترا چہرہ

یہ میری ساری پریشانی چھین لیتا ہے

فریبی دوست پہ کیسے میں اعتبار کروں

یہ جذبہ شاہوں سے سلطانی چھین لیتا ہے

وہ مانگتا نہیں ہے اپنا حق کسی سے بھی

وہ مانگتا نہیں ہے یعنی چھین لیتا ہے

hamare jine ki asani chhin leta hai

jaga ke pyas khuda pani chhin leta hai

shab-e-firaq wo ati hai khwab mein milne

ye wasl hijr ki wirani chhin leta hai

main dekh leta hun hansta hua tira chehra

ye meri sari pareshani chhin leta hai

farebi dost pe kaise main etibar karun

ye jazba shahon se sultani chhin leta hai

wo mangta nahin hai apna haq kisi se bhi

wo mangta nahin hai yaani chhin leta hai