مری وفا کی وہ پہچان بھی نہیں رکھتے

مری وفا کی وہ پہچان بھی نہیں رکھتے

صلہ تو دور ہے احسان بھی نہیں رکھتے

وہ برکتوں کے فرشتوں کے انتظار میں ہیں

گھروں میں اپنے جو قرآن بھی نہیں رکھتے

جنہیں خلوص کی خوشبو عزیز ہوتی ہے

وہ اپنی میز پہ گلدان بھی نہیں رکھتے

وہ حادثوں سے ڈراتے ہیں اپنے بچوں کو

دیوں کے سامنے طوفان بھی نہیں رکھتے

بڑے عجیب مسافر ہیں ہم بھی اے حافظؔ

سفر پہ نکلے ہیں سامان بھی نہیں رکھتے

miri wafa ki wo pahchan bhi nahin rakhte

sila to dur hai ehsan bhi nahin rakhte

wo barkaton ke farishton ke intizar mein hain

gharon main apne jo quran bhi nahin rakhte

jinhen khulus ki khushbu aziz hoti hai

wo apni mez pe guldan bhi nahin rakhte

wo hadson se darate hain apne bachchon ko

diyon ke samne tufan bhi nahin rakhte

bare ajib musafir hain ham bhi ai hafiz

safar pe nikle hain saman bhi nahin rakhte