میں اس لئے بھی کسی سے وفا نہیں کرتا

میں اس لئے بھی کسی سے وفا نہیں کرتا

نہیں ہے ایسا کوئی جو دغا نہیں کرتا

تمہارے حصہ میں آیا ہوا دیا ہوں میں

دیا جو آندھی سے بالکل ڈرا نہیں کرتا

جہان بھر کی در دل پہ بھیڑ ہو لیکن

سوا ترے یہ کسی پر کھلا نہیں کرتا

یہ دیکھنا ہے کہ اظہار عشق پر میرے

وہ گل بدن مجھے ہاں کرتا یا نہیں کرتا

اب اک ثمر بھی نہیں شجر خواہشات پہ دوست

میں تیرے بعد کسی کی دعا نہیں کرتا

میں تجھ کو چاہتا ہوں لیکن ایک مشکل ہے

کبھی کبھی مرا چاہا ہوا نہیں کرتا

مری خوشی کے لیے کچھ نہیں کیا تو نے

تری خوشی کے لیے تو میں کیا نہیں کرتا

main is liye bhi kisi se wafa nahin karta

nahin hai aisa koi jo dagha nahin karta

tumhare hissa mein aya hua diya hun main

diya jo andhi se bilkul dara nahin karta

jahan bhar ki dar-e-dil pe bhir ho lekin

siwa tire ye kisi par khula nahin karta

ye dekhna hai ke izhar-e-ishq par mere

wo gul badan mujhe han karta ya nahin karta

ab ik samar bhi nahin shajar khwahishat pe dost

main tere baad kisi ki dua nahin karta

main tujh ko chahta hun lekin ek mushkil hai

kabhi kabhi mira chaha hua nahin karta

miri khushi ke liye kuchh nahin kiya tu ne

tiri khushi ke liye to main kya nahin karta