آپ جیسوں سے وفا کر کے ملا کچھ بھی نہیں

آپ جیسوں سے وفا کر کے ملا کچھ بھی نہیں

خیر ایسی بات سے مجھ کو گلہ کچھ بھی نہیں

تیرے جاتے ہی مرے گھر کو اداسی کھا گئی

اب یہاں دیوار و در کے سوا کچھ بھی نہیں

ہم خیالوں میں تیرے رہتے ہیں جیسے قید میں

کون کہتا ہے محبت کی سزا کچھ بھی نہیں

میں تو ہجرت کے خیالوں سے بھی ڈر جاتا تھا اور

ایک وہ جس کو بچھڑنے پر ہوا کچھ بھی نہیں

آپ مانیں یا نہ مانیں آپ کی مرضی مگر

ایسا کہنا تو غلط ہے کہ خدا کچھ بھی نہیں

مجھ میں سے تجھ کو گھٹایا تو پتہ ہے کیا ہوا

مجھ میں سے تجھ کو گھٹایا تو بچا کچھ بھی نہیں

اس کے ہونے سے اندھیرا چھٹ سا جاتا تھا وہانؔ

ورنہ ایسی چاند راتوں میں رکھا کچھ بھی نہیں

ap jaison se wafa kar ke mila kuchh bhi nahin

khair aisi bat se mujh ko gila kuchh bhi nahin

tere jate hi mire ghar ko udasi kha gai

ab yahan diwar-o-dar ke siwa kuchh bhi nahin

ham khayalon mein tere rahte hain jaise qaid mein

kaun kahta hai mohabbat ki saza kuchh bhi nahin

main to hijrat ke khayalon se bhi dar jata tha aur

ek wo jis ko bichharne par hua kuchh bhi nahin

ap manen ya na manen ap ki marzi magar

aisa kahna to ghalat hai ke khuda kuchh bhi nahin

mujh mein se tujh ko ghataya to pata hai kya hua

mujh mein se tujh ko ghataya to bacha kuchh bhi nahin

us ke hone se andhera chhut sa jata tha woin

warna aisi chand raton mein rakha kuchh bhi nahin