پھر اس کے بعد تو سات آسماں اداس رہے

پھر اس کے بعد تو سات آسماں اداس رہے

وہ چاہتا تھا میرا سائباں اداس رہے

کسے پڑی ہے کہ کیا بات تھی کہ ہر کوئی

بہت ہی خوش تھا جہاں ہم وہاں اداس رہے

تو کیا ہوا جو بچھڑنے کا غم نہیں تھا اسے

تم اپنی سوچو نہ تم بھی کہاں اداس رہے

کوئی ہنسے مرے آگے تو رونا آتا ہے

میں ہوں اداس تو سارا جہاں اداس رہے

میں جل رہا ہوں یہ ہنسنے کی بات ہے کوئی

اسے کہو کہ یہ میرا دھواں اداس رہے

یہ میرا دل ہے کہ ہر رنگ سوکھ لیتا ہے

نہ آئے کوئی بھی وہ جو یہاں اداس رہے

phir is ke baad to sat asman udas rahe

wo chahta tha mera saiban udas rahe

kise pari hai ke kya bat thi ke har koi

bahut hi khush tha jahan ham wahan udas rahe

to kya hua jo bichharne ka gham nahin tha use

tum apni socho na tum bhi kahan udas rahe

koi hanse mire age to rona ata hai

main hun udas to sara jahan udas rahe

main jal raha hun ye hansne ki bat hai koi

use kaho ke ye mera dhuan udas rahe

ye mera dil hai ke har rang sukh leta hai

na ae koi bhi wo jo yahan udas rahe