میں شاعر ہوں تو کیا روتا رہوں گا

میں شاعر ہوں تو کیا روتا رہوں گا

لہو کے داغ ہی دھوتا رہوں گا

زمیں آنکھوں کی ہو جائے گی بنجر

مسلسل خواب اگر بوتا رہوں گا

تیری زلفیں نہیں ہوں گی تو پھر میں

شجر کی چھاؤں کا ہوتا رہوں گا

یہ کب سوچا تھا جب کھو جاؤ گے تم

جسے بھی پاؤں گا کھوتا رہوں گا

تیری آنکھیں کھلیں گی تب تلک تو

میں یوں سو جاؤں گا سوتا رہوں گا

main shayar hun to kya rota rahunga

lahu ke dagh hi dhota rahunga

zamin ankhon ki ho jaegi banjar

musalsal khwab agar bota rahunga

teri zulfen nahin hongi to phir main

shajar ki chhaon ka hota rahunga

ye kab socha tha jab kho jaoge tum

jise bhi paunga khota rahunga

teri ankhen khulengi tab talak to

main yun so jaunga sota rahunga