مدتوں بعد اسی شخص کی یاد آئی ہے

مدتوں بعد اسی شخص کی یاد آئی ہے

شخص بھی وہ جو کہ مدت ہی سے ہرجائی ہے

اب کہاں جاؤ گے کس در پہ دہائی دو گے

اس زمانے میں تمہاری کہاں سنوائی ہے

اور کی سمت کیوں انگشت نما ہے پیارے

تیرا کردار ہی تیرے لیے دکھ دائی ہے

باغباں تجھ سے چمن خوف زدہ ہے سارا

گل ہیں خاموش سبھی ہر کلی مرجھائی ہے

زخم دینا ترا پھر ان پہ لگانا مرہم

واہ کیا خوب یہ انداز مسیحائی ہے

ویسے اس دور میں مشکل ہے گزارا کرنا

اور اس پر یہ ستم توڑتی مہنگائی ہے

وقت بدلا تو وہ یہ بھول گئے ہیں فیصلؔ

عمر بھر ساتھ نبھانے کی قسم کھائی ہے

muddaton baad usi shakhs ki yad ai hai

shakhs bhi wo jo ke muddat hi se harjai hai

ab kahan jaoge kis dar pe duhai doge

is zamane mein tumhari kahan sunwai hai

aur ki samt kyun angusht numa hai pyare

tera kirdar hi tere liye dukh dai hai

baghban tujh se chaman khauf zada hai sara

gul hain khamosh sabhi har kali murjhai hai

zakhm dena tira phir un pe lagana marham

wah kya khub ye andaz-e-masihai hai

waise is daur mein mushkil hai guzara karna

aur us par ye sitam torti mahngai hai

waqt badla to wo ye bhul gae hain faisal

umr bhar sath nibhane ki qasam khai hai