جو سب کی خیر خواہی چاہتا ہے

جو سب کی خیر خواہی چاہتا ہے

وہ اپنی واہ واہی چاہتا ہے

فقیر وقت کی خواہش تو دیکھو

یہ تخت بادشاہی چاہتا ہے

کبھی مسجد کا دروازہ نہ دیکھا

مگر قرب الٰہی چاہتا ہے

کر اندر اپنے پیدا خاکساری

اگر تو کج کلاہی چاہتا ہے

میسر ہو اسے بھی منزل عشق

محبت کا یہ راہی چاہتا ہے

مریض ہجر کو فیصلؔ طلب کیا

غم دل کی دوا ہی چاہتا ہے

jo sab ki khair khwahi chahta hai

wo apni wah wahi chahta hai

faqir-e-waqt ki khwahish to dekho

ye takht-e-badshahi chahta hai

kabhi masjid ka darwaza na dekha

magar qurb-e-ilahi chahta hai

kar andar apne paida khaksari

agar to kaj kulahi chahta hai

muyassar ho use bhi manzil-e-ishq

mohabbat ka ye rahi chahta hai

mariz-e-hijr ko faisal talab kya

gham-e-dil ki dawa hi chahta hai