غیروں نے کیے ہیں جو کرم یاد کریں گے

غیروں نے کیے ہیں جو کرم یاد کریں گے

رہ رہ کے پھر اپنوں کے ستم یاد کریں گے

جو عشق میں کھائی تھی قسم یاد کریں گے

تم بھول بھی جاؤ گے تو ہم یاد کریں گے

ہر لمحہ ستائیں گی ہمیں آپ کی یادیں

ہم آپ کو ہر لمحہ صنم یاد کریں گے

اس حسن دل افروز کو نظروں میں بسا کر

اس زلف گرہ گیر کے خم یاد کریں گے

دل کانپ سا جائے گا نمی آنکھوں میں ہوگی

جب آپ کے بخشے ہوئے غم یاد کریں گے

اس طرح سے کہہ جائیں گے ہم شعر غزل کے

تا حشر ہمیں اہل قلم یاد کریں گے

فیصلؔ نہ بھلا پائیں گے تا عمر انہیں ہم

لیکن وہ بچھڑ کر ہمیں کم یاد کریں گے

ghairon ne kiye hain jo karam yad karenge

rah rah ke phir apnon ke sitam yad karenge

jo ishq mein khai thi qasam yad karenge

tum bhul bhi jaoge to ham yad karenge

har lamha sataengi hamen ap ki yaden

ham ap ko har lamha sanam yad karenge

us husn-e-dil afroz ko nazron mein basa kar

is zulf-e-girah gir ke kham yad karenge

dil kanp sa jaega nami ankhon mein hogi

jab ap ke bakhshe hue gham yad karenge

is tarah se kah jaenge ham sher ghazal ke

ta hashr hamen ahl-e-qalam yad karenge

faisal na bhala paenge ta umr unhen ham

lekin wo bichhar kar hamen kam yad karenge