حال کیا کر دیا دوانے کا

حال کیا کر دیا دوانے کا

شکریہ مجھ کو آزمانے کا

یہ بہانا دیا جگانے کا

اس نے وعدہ کیا ہے آنے کا

میرے حالات کیا ذرا بگڑے

رخ بدلنے لگا زمانے کا

میں حسینوں کے دل میں رہتا ہوں

یہ پتہ ہے مرے ٹھکانے کا

ہم سے ملنا نہیں تو گھر جاؤ

فائدہ کیا ہے دل جلانے کا

چین کی نیند سوئے گا فیصلؔ

کاش تکیہ ہو تیرے شانے کا

hal kya kar diya diwane ka

shukriya mujh ko azmane ka

ye bahana diya jagane ka

us ne waada kiya hai ane ka

mere halat kya zara bigre

rukh badalne laga zamane ka

main hasinon ke dil mein rahta hun

ye pata hai mire thikane ka

ham se milna nahin to ghar jao

faida kya hai dil jalane ka

chain ki nind su-e-ga faisal

kash takiya ho tere shane ka