دل میں دھڑکن لب میں جنبش چاہیے

دل میں دھڑکن لب میں جنبش چاہیے

زندہ رہنے کو یہ ورزش چاہیے

آدمی ہونے کا دینے کو ثبوت

پاؤں میں تھوڑی سی لغزش چاہیے

بیٹھے بیٹھے قسمتیں بنتی نہیں

عزم محنت اور کوشش چاہیے

امتزاج عیش و غم ہے زندگی

لاکھ خوشیاں بھی ہوں رنجش چاہیے

حافظؔ اس کو جستجو سورج کی ہے

اور تمہیں بھی ایک مہ وش چاہیے

dil mein dharkan lab mein jumbish chahiye

zinda rahne ko ye warzish chahiye

admi hone ka dene ko subut

paon mein thori si laghzish chahiye

baithe baithe qismaten banti nahin

azm-e-mehnat aur koshish chahiye

imtizaj-e-aish-o-gham hai zindagi

lakh khushiyan bhi hun ranjish chahiye

hafiz us ko justuju suraj ki hai

aur tumhen bhi ek mah wash chahiye