سب کی نظروں میں یوں بھی پیارا ہوں

سب کی نظروں میں یوں بھی پیارا ہوں

میں تری اک نظر کا مارا ہوں

وقت کے ساتھ مجھ کو بہنا ہے

میں تو پانی کا ایک دھارا ہوں

تم نے جب اپنا کہہ دیا ہے مجھے

کیسے کہہ دوں کہ بے سہارا ہوں

عشق میں کیا یہی نہیں کافی

میرے تم اور میں تمہارا ہوں

چاہتا میں تو جیت سکتا تھا

تیری خاطر یہ بازی ہارا ہوں

یوں کھٹکتا ہوں سب کی آنکھوں میں

تیری آنکھوں کا میں جو تارا ہوں

تجھ سے فیصلؔ ہے باہمی رشتہ

تو ہے کشتی تو میں کنارا ہوں

sab ki nazron mein yun bhi pyara hun

main tiri ik nazar ka mara hun

waqt ke sath mujh ko bahna hai

main to pani ka ek dhara hun

tum ne jab apna kah diya hai mujhe

kaise kah dun ke be sahara hun

ishq mein kya yahi nahin kafi

mere tum aur main tumhara hun

chahta main to jit sakta tha

teri khatir ye bazi hara hun

yun khatakta hun sab ki ankhon mein

teri ankhon ka main jo tara hun

tujh se faisal hai bahami rishta

tu hai kashti to main kinara hun