گرچہ اولاد بن کے بیٹھے ہیں

گرچہ اولاد بن کے بیٹھے ہیں

فخر اجداد بن کے بیٹھے ہیں

تم بھی بن جاؤ عشق میں شیریں

ہم تو فرہاد بن کے بیٹھے ہیں

بن کے بیٹھے ہیں وہ سراپا غزل

اور ہم داد بن کے بیٹھے ہیں

تو اگرچہ ہمیں بھلا بیٹھا

ہم تری یاد بن کے بیٹھے ہیں

پر فتن دور ہے بچے رہنا

لوگ جلاد بن کے بیٹھے ہیں

کیسے مائل نہ ہو کوئی فیصلؔ

وہ پری زاد بن کے بیٹھے ہیں

garche aulad ban ke baithe hain

fakhr ajdad ban ke baithe hain

tum bhi ban jao ishq mein shirin

ham to farhad ban ke baithe hain

ban ke baithe hain wo sarapa ghazal

aur ham dad ban ke baithe hain

tu agarche hamen bhula baitha

ham tiri yad ban ke baithe hain

par fatan dur hai bachche rahna

log jallad ban ke baithe hain

kaise mail na ho koi faisal

wo pari zad ban ke baithe hain