سارا قصہ تمام ہونے کو ہے

سارا قصہ تمام ہونے کو ہے

دل کسی کا غلام ہونے کو ہے

مجھ سے وہ ہم کلام ہونے کو ہے

ایسا لگتا ہے کام ہونے کو ہے

سارا دن انتظار میں گزرا

اب تو آ جاؤ شام ہونے کو ہے

عاشقوں کا لگا ہے اک مجمع

جلوۂ یار عام ہونے کو ہے

ہائے افسوس کچھ نہ کر پائے

زیست کا اختتام ہونے کو ہے

دل میں ہلچل یہ کیسی ہے فیصلؔ

کیا کسی کا قیام ہونے کو ہے

sara qissa tamam hone ko hai

dil kisi ka ghulam hone ko hai

mujh se wo ham kalam hone ko hai

aisa lagta hai kam hone ko hai

sara din intizar mein guzra

ab to a jao sham hone ko hai

ashiqon ka laga hai ik majmaa

jalwa-e-yar am hone ko hai

hae afsos kuchh na kar pae

zist ka ikhtitam hone ko hai

dil mein halchal ye kaisi hai faisal

kya kisi ka qayam hone ko hai