یہ کون ہے جو کانوں میں رس گھول رہا ہے

یہ کون ہے جو کانوں میں رس گھول رہا ہے

کوئل کی طرح میٹھا بہت بول رہا ہے

دولت سے محبت کو مری تول رہا ہے

وہ شخص جو میرے لیے انمول رہا ہے

کیا پانے کی رکھے گا کوئی تجھ سے توقع

ہاتھوں میں ہمیشہ ترے کشکول رہا ہے

سب اچھی طرح سے تجھے پہچان گئے ہیں

اب تک جو یہ چہرے پہ ترے خول رہا ہے

کیا بھول گیا ہے تو ابھی پر نہیں میرے

صیاد ابھی کیوں یہ قفس کھول رہا ہے

لا علم بھی کر لیتے تھے اشعار کو موزوں

فیصلؔ یہ مرے شہر کا ماحول رہا ہے

ye kaun hai jo kanon mein ras ghol raha hai

koyal ki tarah mitha bahut bol raha hai

daulat se mohabbat ko miri tol raha hai

wo shakhs jo mere liye anmol raha hai

kya pane ki rakhega koi tujh se tawaqqo

hathon mein hamesha tire kashkol raha hai

sab achchhi tarah se tujhe pahchan gae hain

ab tak jo ye chehre pe tire khol raha hai

kya bhul gaya hai to abhi par nahin mere

sayyad abhi kyun ye qafas khol raha hai

la ilm bhi kar lete the ashar ko mauzun

faisal ye mire shahr ka mahaul raha hai