ہم کہاں اپنی محبت میں خلل چاہتے ہیں

ہم کہاں اپنی محبت میں خلل چاہتے ہیں

آپ ہر بات پہ کیوں رد عمل چاہتے ہیں

عشق انجام کو پہنچے تو صلہ ملتا ہے

آپ آغاز محبت میں ہی پھل چاہتے ہیں

آج کا دور مبارک ہو تمہیں کو لوگو

ہم تو اپنا وہی گزرا ہوا کل چاہتے ہیں

ہم سے دیوانوں کی حسرت ہی نہیں اس کے سوا

ہم تو محبوب کے قدموں میں اجل چاہتے ہیں

کیا خبر پھر سے ملاقات ہوئی یا نہ ہوئی

ہم ترے قرب کے بس ایک دو پل چاہتے ہیں

جانے والے تو ہمیں کوئی نشانی دے جا

ہم بسانا تری یادوں کا محل چاہتے ہیں

اب تو نادان طبیعت کو سنبھالو فیصلؔ

اپنے حالات بھی اب رد و بدل چاہتے ہیں

ham kahan apni mohabbat mein khalal chahte hain

ap har bat pe kyun rad-e-amal chahte hain

ishq anjam ko pahunche to sila milta hai

ap aghaz-e-mohabbat mein hi phal chahte hain

aj ka daur mubarak ho tumhen ko logo

ham to apna wahi guzra hua kal chahte hain

ham se diwanon ki hasrat hi nahin us ke siwa

ham to mahbub ke qadmon mein ajal chahte hain

kya khabar phir se mulaqat hui ya na hui

ham tire qurb ke bas ek do pal chahte hain

jane wale to hamen koi nishani de ja

ham basana tiri yadon ka mahal chahte hain

ab to nadan tabiat ko sambhalo faisal

apne halat bhi ab rad-o-badal chahte hain