دنیا کہتی ہے کیا ان سنا کیجئے

دنیا کہتی ہے کیا ان سنا کیجئے

سامنے آئینہ رکھ لیا کیجئے

آج کل ہر سفر مختصر ہے بہت

جلد از جلد ہر فیصلہ کیجئے

آپ کے شہر میں ایک مدت سے ہیں

ہم ہیں کس حال میں کچھ پتہ کیجئے

زندگی کا سفر تنہا کٹتا نہیں

عشق ہے گر خطا تو خطا کیجئے

یہ سنا ہے کہ سنتا ہے رب آپ کی

میرے حق میں کبھی تو دعا کیجئے

درد اچھا نہیں عمر بھر کے لئے

مندمل زخم کو مت ہرا کیجئے

آپ ساحلؔ کی باتوں میں مت آئیے

دل جو کہتا ہے اس کو سنا کیجئے

duniya kahti hai kya an suna kijiye

samne aina rakh liya kijiye

aj kal har safar mukhtasar hai bahut

jald az jald har faisla kijiye

ap ke shahr mein ek muddat se hain

ham hain kis hal mein kuchh pata kijiye

zindagi ka safar tanha katta nahin

ishq hai gar khata to khata kijiye

ye suna hai ke sunta hai rab ap ki

mere haq mein kabhi to dua kijiye

dard achchha nahin umr bhar ke liye

mundamil zakhm ko mat hara kijiye

ap sahil ki baton mein mat aiye

dil jo kahta hai us ko suna kijiye