ان کے ملنے کا بظاہر تو یقیں کوئی نہیں

ان کے ملنے کا بظاہر تو یقیں کوئی نہیں

وہ اگر چاہیں کوئی شک ہے نہیں کوئی نہیں

اے جنوں تیری عنایت سے ہے تنہائی نصیب

اور تو سارے بیاباں میں کہیں کوئی نہیں

مطمئن جب تھے تو ہمت کا تھا ساتھ اپنے ہجوم

ڈر جہاں ہونے لگا ہم کو وہیں کوئی نہیں

عشق کی راہوں میں آیا ہے اک ایسا بھی مقام

صرف اک میں ہوں وہاں اہل زمیں کوئی نہیں

ایک دن نقش قدم پر مرے بن جائے گی راہ

آج صحرا میں تو تنہا ہوں کہیں کوئی نہیں

un ke milne ka bazahir to yaqin koi nahin

wo agar chahen koi shak hai nahin koi nahin

ai junun teri inayat se hai tanhai nasib

aur to sare bayaban mein kahin koi nahin

mutmain jab the to himmat ka tha sath apne hujum

dar jahan hone laga ham ko wahin koi nahin

ishq ki rahon mein aya hai ik aisa bhi maqam

sirf ik main hun wahan ahl-e-zamin koi nahin

ek din naqsh-e-qadam par mire bin jaegi rah

aj sahra mein to tanha hun kahin koi nahin