آج یوں درد ترا دل کے افق پر چمکا

آج یوں درد ترا دل کے افق پر چمکا

جیسے دو پل کے لیے صبح کا اختر چمکا

یوں ضیا بار رہی ہجر کی شب یاد تری

غم کا شعلہ ترے رخسار سے بڑھ کر چمکا

خاک گلشن سے نہ کوئی بھی شرارا پھوٹا

فصل گل آئی نہ کوئی بھی گل تر چمکا

اب نہیں اہل نظر اہل بصیرت کوئی

لعل سمجھے ہیں اسے جب کوئی پتھر چمکا

اک کرن چھوڑ گیا دیدہ و دل میں حافظؔ

وہ حسیں اشک کہ جو نوک مژہ پر چمکا

aj yun dard tira dil ke ufuq par chamka

jaise do pal ke liye subh ka akhtar chamka

yun ziya bar rahi hijr ki shab yad tiri

gham ka shola tire rukhsar se barh kar chamka

khak-e-gulshan se na koi bhi sharara phuta

fasl-e-gul ai na koi bhi gul-e-tar chamka

ab nahin ahl-e-nazar ahl-e-basirat koi

laal samjhe hain use jab koi patthar chamka

ik kiran chhor gaya dida-o-dil mein hafiz

wo hasin ashk ke jo nok-e-mizha par chamka