جو خوش نصیب حضوری میں جا نکلتا ہے

جو خوش نصیب حضوری میں جا نکلتا ہے

لبوں سے نغمہ صل علی نکلتا ہے

محبتوں کا عجب شہر ہے مدینہ بھی

ہر ایک شخص جہاں آشنا نکلتا ہے

نگاہ شوق کو ملتا ہے اذن گویائی

خموشیوں میں بھی اک مدعا نکلتا ہے

عجب مرقع دل کش ہے یاد شہر نبی

ہزار رنگ جہاں نعت کا نکلتا ہے

بکھیر دیتا ہے قرطاس پر گہر پارے

قلم سے جب مرے حرف ثنا نکلتا ہے

جناب رحمت عالم کا فیض ہے حافظؔ

ہر ایک شعر سے مضموں نیا نکلتا ہے

jo khush nasib huzuri mein ja nikalta hai

labon se naghma sal-e-ali nikalta hai

mohabbaton ka ajab shahr hai madina bhi

har ek shakhs jahan ashna nikalta hai

nigah-e-shauq ko milta hai izn-e-goyai

khamoshiyon mein bhi ik muddaa nikalta hai

ajab muraqqaa dil kash hai yad shahr-e-nabi

hazar rang-e-jahan naat ka nikalta hai

bikher deta hai qirtas par guhar pare

qalam se jab mire harf-e-sana nikalta hai

janab-e-rahmat alam ka faiz hai hafiz

har ek sher se mazmun naya nikalta hai