Arooz is now on the App Store, for iPhone and iPad. Download →

All poetry

یارائے گفتگو نہیں آنکھوں میں دم نہیں

Hafiz Ludhiyanvi

یارائے گفتگو نہیں آنکھوں میں دم نہیں

یہ خامشی بھی عرض تمنا سے کم نہیں

ویران کس قدر ہے گزر‌ گاہ آرزو

اس رہ گزر میں کوئی بھی نقش قدم نہیں

قائم رہی جنوں میں بھی اک وضع احتیاط

دل خون ہو گیا ہے مگر آنکھ نم نہیں

دل ہے جمال یار کی لذت سے فیضیاب

اس آئنہ میں کوئی بھی تصویر غم نہیں

حافظؔ اک اضطراب مسلسل ہے زندگی

اس منزل وفا میں کہیں پیچ و خم نہیں