دل دکھاؤ نہ بارہا جاناں

دل دکھاؤ نہ بارہا جاناں

منہ چھپاؤ نہ بارہا جاناں

میں تمہارا ہوں بس تمہارا ہوں

آزماؤ نہ بارہا جاناں

خود ہی روٹھا ہوں خود ہی مانوں گا

تم مناؤ نہ بارہا جاناں

جاں سنبھلنے تو دو کسی لمحے

یاد آؤ نہ بارہا جاناں

میری غزلوں سے سب شناسا ہیں

گنگناؤ نہ بارہا جاناں

کچھ سبق بھی تو لو حوادث سے

چوٹ کھاؤ نہ بارہا جاناں

ایک حالت میں مجھ کو رہنے دو

آؤ جاؤ نہ بارہا جاناں

اک تبسم ہی جان لیوا ہے

مسکراؤ نہ بارہا جاناں

جس کہانی میں مر گیا صائنؔ

وہ سناؤ نہ بارہا جاناں

dil-e-dikhao na barha janan

munh chhupao na barha janan

main tumhara hun bas tumhara hun

azmao na barha janan

khud hi rutha hun khud hi manunga

tum manao na barha janan

jan sambhalne to do kisi lamhe

yad ao na barha janan

meri ghazlon se sab shanasa hain

gungunao na barha janan

kuchh sabaq bhi to lo hawadis se

chot khao na barha janan

ek halat mein mujh ko rahne do

ao jao na barha janan

ik tabassum hi jan lewa hai

muskurao na barha janan

jis kahani mein mar gaya sain

wo sunao na barha janan