لب پہ آئی نہ میرے جی کی بات

لب پہ آئی نہ میرے جی کی بات

بات جب کی تو کی اسی کی بات

بس وہی ایک روشنی کی بات

کون سنتا ہے تیرگی کی بات

جب ملے تب کروں پری کی بات

اب تو کرتا ہوں بس ابھی کی بات

دیکھ کر روز و شب کا پھر جانا

عقل سمجھی ہے زندگی کی بات

کس نے سوچا تھا آدمی ہی بھلا

سن سکے گا نہ آدمی کی بات

تیرگی لاکھ راستہ روکے

پھیل رہتی ہے روشنی کی بات

سن کے میری ہوئے وہ یوں گویا

جب بھی کی تو نے بس وہی کی بات

روٹھ جانے کا خدشہ تھا صائنؔ

ورنہ کہہ لیتے خود سے جی کی بات

lab pe ai na mere ji ki bat

bat jab ki to ki usi ki bat

bas wahi ek raushni ki bat

kaun sunta hai tirgi ki bat

jab mile tab karun pari ki bat

ab to karta hun bas abhi ki bat

dekh kar roz-o-shab ka phir jana

aql samjhi hai zindagi ki bat

kis ne socha tha admi hi bhala

sun sakega na admi ki bat

tirgi lakh rasta roke

phail rahti hai raushni ki bat

sun ke meri hue wo yun goya

jab bhi ki tu ne bas wahi ki bat

ruth jane ka khadsha tha sain

warna kah lete khud se ji ki bat