اس کو خلوت کا میری پاس نہیں

اس کو خلوت کا میری پاس نہیں

کیسے کہہ دوں کہ جی اداس نہیں

نا شناسا کوئی اگر ہو بھی

میرے نالوں سے نا شناس نہیں

کیا ہوا غم کے پاسداروں کو

کس لیے محو حزن و یاس نہیں

چاہتا ہوں جسے قریب اپنے

اک وہی شخص میرے پاس نہیں

برسر بزم ہے وہ جلوہ نما

حیف اس کو حیا کا پاس نہیں

خون کو خون جو نہیں کہتے

ایسے لوگوں سے کوئی آس نہیں

گالیاں بھی نہیں قبول انہیں

اور عزت بھی ان کو راس نہیں

ساقیا جام اسی کو دیتا ہے

قطرہ بھر کی بھی جس کو پیاس نہیں

کون ہم سا ملول ہے جگ میں

جز ملال اپنی کچھ اساس نہیں

بعد صائنؔ کے اتنا یاد رہے

کوئی عاشق کا غم شناس نہیں

us ko khalwat ka meri pas nahin

kaise kah dun ke ji udas nahin

na shanasa koi agar ho bhi

mere nalon se na shanas nahin

kya hua gham ke pasdaron ko

kis liye mahw-e-huzn-o-yas nahin

chahta hun jise qarib apne

ik wahi shakhs mere pas nahin

barsar-e-bazm hai wo jalwa numa

haif us ko haya ka pas nahin

khun ko khun jo nahin kahte

aise logon se koi as nahin

galiyan bhi nahin qubul unhen

aur izzat bhi un ko ras nahin

saqiya jam usi ko deta hai

qatra bhar ki bhi jis ko pyas nahin

kaun ham sa malul hai jag mein

juz malal apni kuchh asas nahin

baad sain ke itna yad rahe

koi ashiq ka gham shanas nahin