دیکھو اپنی آنکھ مچولی ایک حقیقت ہو گئی نا
Hafiz Karnataki (b. 1964)دیکھو اپنی آنکھ مچولی ایک حقیقت ہو گئی نا
تم سے مجھ کو مجھ سے تم کو آج محبت ہو گئی نا
میں نے کہا تھا دھوپ میں میرے ساتھ نہ تم چل پاؤ گے
میلی میلی تمہاری اجلی چاند سی صورت ہو گئی نا
محفل میں ہنستے ہیں لیکن تنہائی میں روتے ہیں
ایک سی میری اور تمہاری اب یہ حالت ہو گئی نا
دوزخ میں پہنچائے بڑوں کو ان کے دکھاوے کے سجدے
بچوں کو ماں کی خدمت سے حاصل جنت ہو گئی نا
دید کا میں بھوکا ہوں حافظؔ اس کا رخ ہے اک لقمہ
اس کو دیکھا تو پوری آنکھوں کی ضرورت ہو گئی نا
dekho apni ankh michauli ek haqiqat ho gai na
tum se mujh ko mujh se tum ko aj mohabbat ho gai na
main ne kaha tha dhup mein mere sath na tum chal paoge
maili maili tumhari ujli chand si surat ho gai na
mahfil mein hanste hain lekin tanhai mein rote hain
ek si meri aur tumhari ab ye halat ho gai na
dozakh mein pahunchae baron ko un ke dikhawe ke sajde
bachchon ko man ki khidmat se hasil jannat ho gai na
did ka main bhuka hun hafiz us ka rukh hai ik luqma
us ko dekha to puri ankhon ki zarurat ho gai na