مرا کلیجہ مرے منہ کو آ نہ جائے کہیں

مرا کلیجہ مرے منہ کو آ نہ جائے کہیں

تمہارے جانے کا احساس کھا نہ جائے کہیں

وہ دیکھتا ہے تو بس دیکھتا ہی رہتا ہے

وہ نامراد مرے دل کو بھا نہ جائے کہیں

کماں سنبھال کے رکھوں میں اپنے ہاتھوں میں

مرا ہی تیر مری سمت آ نہ جائے کہیں

وہ مل رہا ہے کسی دوسرے سے ہنس ہنس کر

سو اس کا ہنسنا بھی مجھ کو رلا نہ جائے کہیں

میں اس سے بات ہی کرتا نہیں ہوں اس خاطر

وہ بات کر کے مرا سر گھما نہ جائے کہیں

مجھے یہ ڈر ہے وہ اوزار بے وفائی سے

محبتوں کی عمارت گرا نہ جائے کہیں

mira kaleja mire munh ko a na jae kahin

tumhare jane ka ehsas kha na jae kahin

wo dekhta hai to bas dekhta hi rahta hai

wo namurad mire dil ko bha na jae kahin

kaman sambhal ke rakhon main apne hathon mein

mira hi tir miri samt a na jae kahin

wo mil raha hai kisi dusre se hans hans kar

so us ka hansna bhi mujh ko rula na jae kahin

main us se bat hi karta nahin hun is khatir

wo bat kar ke mira sar ghuma na jae kahin

mujhe ye dar hai wo auzar be wafai se

mohabbaton ki imarat gira na jae kahin