اس لیے لگتا ہے مجھ کو ڈر در و دیوار سے

اس لیے لگتا ہے مجھ کو ڈر در و دیوار سے

مجھ پہ ہنستا ہے کوئی شب بھر در و دیوار سے

تیرے بن میں خاک ہوں اور میرے بن تو خاک ہے

گھر سے ہیں دیوار و در اور گھر در و دیوار سے

گھر پہ ہلا بولتا ہے شام ہو جانے کے بعد

اک پرانی یاد کا لشکر در و دیوار سے

کس طرح کا شہر ہے یہ کس طرح کے لوگ ہیں

پھینکتا ہے ہر کوئی پتھر در و دیوار سے

یوں دل اپنا کھول کر تو عشق کی باتیں نہ کر

گھر کسی انجان کا ہے ڈر در و دیوار سے

بیٹھ جاتا ہوں کسی کونے میں چھپ کر اس لیے

خوف آتا ہے مجھے اکثر در و دیوار سے

خواب نے یہ چیخ کر مجھ سے کہا یاسر گمانؔ

جھانک کر دیکھا بھی کر باہر در و دیوار سے

is liye lagta hai mujh ko dar dar-o-diwar se

mujh pe hansta hai koi shab bhar dar-o-diwar se

tere bin mein khak hun aur mere bin to khak hai

ghar se hain diwar-o-dar aur ghar dar-o-diwar se

ghar pe hila bolta hai sham ho jane ke baad

ik purani yad ka lashkar dar-o-diwar se

kis tarah ka shahr hai ye kis tarah ke log hain

phenkta hai har koi patthar dar-o-diwar se

yun dil apna khol kar to ishq ki baten na kar

ghar kisi anjan ka hai dar dar-o-diwar se

baith jata hun kisi kone mein chhup kar is liye

khauf ata hai mujhe aksar dar-o-diwar se

khwab ne ye chikh kar mujh se kaha yasar guman

jhank kar dekha bhi kar bahar dar-o-diwar se