Arooz is now on the App Store, for iPhone and iPad. Download →

All poetry

تری خدمات میں بیٹھے ہوئے ہیں

Ujjawal Vashishtha (b. 1997)

تری خدمات میں بیٹھے ہوئے ہیں

کہ سب اوقات میں بیٹھے ہوئے ہیں

چھپانا چاہتے ہیں اپنے آنسو

سو ہم برسات میں بیٹھے ہوئے ہیں

بہت دشوار ہے گھر سے نکلنا

عدو سب گھات میں بیٹھے ہوئے ہیں

ہمارے نام میں جتنے ہیں اکھشر

تری ہر بات میں بیٹھے ہوئے ہیں

پرندوں گھونسلوں میں رہنا اپنے

شکاری گھات میں بیٹھے ہوئے ہیں

ہمارے پیچھے چلتے تھے کبھی جو

اب ان کے ساتھ میں بیٹھے ہوئے ہیں

تلاش آفتاب عشق میں سب

اندھیری رات میں بیٹھے ہوئے ہیں