اس کو جتنا بھلا رہا ہوں میں

اس کو جتنا بھلا رہا ہوں میں

اتنا نزدیک پا رہا ہوں میں

سنگ تو آج ہوں میں اس کے لیے

مدتوں آئنہ رہا ہوں میں

جو اٹھاتے نہیں ہے فون تلک

ان کے نخرے اٹھا رہا ہوں میں

مجھ کو قرآں پڑھا رہے ہیں وہ

ان کو گیتا پڑھا رہا ہوں میں

اور کچھ دیر مجھ سے باتیں کر

تیری باتوں میں آ رہا ہوں میں

جانے کس کی تلاش میں اجولؔ

مدتوں لاپتہ رہا ہوں میں

us ko jitna bhala raha hun main

itna nazdik pa raha hun main

sang to aj hun main us ke liye

muddaton aina raha hun main

jo uthate nahin hai fon talak

un ke nakhre utha raha hun main

mujh ko quran parha rahe hain wo

un ko gita parha raha hun main

aur kuchh der mujh se baten kar

teri baton mein a raha hun main

jane kis ki talash mein ajol

muddaton lapata raha hun main