کہیں تو ہو طرف داری ہماری

کہیں تو ہو طرف داری ہماری

کبھی تو پیٹھ ہو بھاری ہماری

تمہاری گفتگو سے لگ رہا ہے

ہے خوشبو جانی پہچانی ہماری

اسی امید پر زندہ ہیں آنکھیں

کبھی تو آئے گی باری ہماری

ابھی ہے کھیل میں ملنا بچھڑنا

کہاں تک جائے گی پاری ہماری

زمیں کی چھاؤں سب تم کو مبارک

چلو جو دھوپ ہے ساری ہماری

kahin to ho taraf dari hamari

kabhi to pith ho bhari hamari

tumhari guftugu se lag raha hai

hai khushbu jani pahchani hamari

isi ummid par zinda hain ankhen

kabhi to aegi bari hamari

abhi hai khel mein milna bichharna

kahan tak jaegi pari hamari

zamin ki chhaon sab tum ko mubarak

chalo jo dhup hai sari hamari