مبارک باد پھولوں کے لیے اور خار پر لعنت

مبارک باد پھولوں کے لیے اور خار پر لعنت

ارے مالی اصولوں پر ترے کردار پر لعنت

جو حاصل ہے وہی کافی ہے بس میرے گزارے کو

کروں میں شکریہ اس پار کا اس پار پر لعنت

وہ جس کی دید سے آنکھوں کی بینائی چلی جائے

تو اس حسن سراپا کے ہے پھر دیدار پر لعنت

ہمارے زہر نے دیکھو یہاں منظر بدل ڈالے

سپیرے نے کہا اجگر تری پھنکار پر لعنت

حفاظت کر نہیں سکتا ہے جو اپنے قبیلے کی

کوئی کیسے نہیں بھیجے گا اس سردار پر لعنت

کسی مظلوم کی خاطر اگر یہ اٹھ نہیں سکتی

تو ہے پھر زنگ آلود آپ کی تلوار پر لعنت

نہ تو ہی ہے مرے گھر میں نہ ہے تصویر ہی تیری

بھلا کیسے نہ بھیجوں پھر در و دیوار پر لعنت

سمجھ داری سے اپنی ریس جیتی ایک کچھوئے نے

ارے خرگوش تیری چال پر رفتار پر لعنت

اگرچہ سال کے باون دنوں اس سے بچھڑنا ہے

تو پھر ہر اک مہینے کے ہر اک اتوار پر لعنت

اگر لوگوں میں نفرت بانٹنا ہے شاعری تیری

تو اے اجولؔ تری محفل ترے اشعار پر لعنت

mubarak bad phulon ke liye aur khar par laanat

are mali usulon par tire kirdar par laanat

jo hasil hai wahi kafi hai bas mere guzare ko

karun main shukriya us par ka us par par laanat

wo jis ki did se ankhon ki binai chali jae

to us husn-e-sarapa ke hai phir didar par laanat

hamare zahr ne dekho yahan manzar badal dale

sipere ne kaha ajgar tiri phunkar par laanat

hifazat kar nahin sakta hai jo apne qabile ki

koi kaise nahin bhejega is sardar par laanat

kisi mazlum ki khatir agar ye uth nahin sakti

tu hai phir zang alud ap ki talwar par laanat

na tu hi hai mire ghar mein na hai taswir hi teri

bhala kaise na bhejun phir dar-o-diwar par laanat

samajh dari se apni res jiti ek kuchhoe ne

are khargosh teri chal par raftar par laanat

agarche sal ke bawan dinon us se bichharna hai

to phir har ik mahine ke har ik itwar par laanat

agar logon mein nafrat bantna hai shayari teri

tu ai ajol tiri mahfil tire ashar par laanat