دل میں خیال عشق تھا مہمان کی طرح

دل میں خیال عشق تھا مہمان کی طرح

ارماں سجا تھا میرؔ کے دیوان کی طرح

وسعت زمیں کی کھو گئی بستی کی بھیڑ میں

گلیوں میں شور بس گیا میدان کی طرح

سر پر فلک کو اوڑھے بچھائے زمین وہ

بیٹھا ہے شان سے کسی سلطان کی طرح

غافل مرے وجود سے سایہ مرا رہا

تھا ہم سفر وہ شہر میں انجان کی طرح

رکھتا ہوں میں عزیز روایت کا سلسلہ

گرتے مرے مکان کے دالان کی طرح

یہ منفعل سی زندگی مجھ کو نہیں قبول

عہد جنوں کے چاک گریبان کی طرح

تیور سے اس کے آگ تمنا میں لگ گئی

جلنے لگا ہے دل مرا شمشان کی طرح

تیرے بغیر ساہنیؔ تاروں کے درمیاں

محفل اداس تھی رہ ویران کی طرح

dil mein khayal-e-ishq tha mehman ki tarah

arman saja tha mir ke diwan ki tarah

wusat zamin ki kho gai basti ki bhir mein

galiyon mein shor bas gaya maidan ki tarah

sar par falak ko orhe bichhae zamin wo

baitha hai shan se kisi sultan ki tarah

ghafil mire wajud se saya mira raha

tha ham safar wo shahr mein anjan ki tarah

rakhta hun main aziz riwayat ka silsila

girte mire makan ke dalan ki tarah

ye munfail si zindagi mujh ko nahin qubul

ahd-e-junun ke chak gareban ki tarah

tewar se us ke ag tamanna mein lag gai

jalne laga hai dil mira shamshan ki tarah

tere baghair sahni taron ke darmiyan

mahfil udas thi rah-e-wiran ki tarah