پیچھا ہی نہیں چھوڑتی گھر بار کی خوشبو

پیچھا ہی نہیں چھوڑتی گھر بار کی خوشبو

رستے سے عیاں ہے در و دیوار کی خوشبو

کب کیسے کہاں سے بنی پر پیچ گلی میں

بے چین کیے رہتی ہے اسرار کی خوشبو

میں اپنے تصور میں ہوں خوش حال برادر

قدموں میں پڑی ہے مرے دربار کی خوشبو

تم اجنبی قدموں سے نکل جاؤ مسافر

پانا ہے کسی اور کو گلزار کی خوشبو

اشکوں کے جھروکے میں بھی در آئی ہے اکثر

حیران تبسم میں بسی یار کی خوشبو

اک گل پہ قناعت ہے کہاں بہتی ہوا کو

ہر وقت لیے پھرتی ہے دو چار کی خوشبو

برسوں جو رہی دفن کسی زخم جگر میں

پائل سے اگی آج وہ جھنکار کی خوشبو

آواز پہ تکیہ نہ لگانا کبھی جعفرؔ

خاموش صدا دیتی ہے اس پار کی خوشبو

pichha hi nahin chhorti ghar bar ki khushbu

raste se ayan hai dar-o-diwar ki khushbu

kab kaise kahan se bani pur pech gali mein

be chain kiye rahti hai asrar ki khushbu

main apne tasawwur mein hun khush hal baradar

qadmon mein pari hai mire darbar ki khushbu

tum ajnabi qadmon se nikal jao musafir

pana hai kisi aur ko gulzar ki khushbu

ashkon ke jharoke mein bhi dar ai hai aksar

hairan tabassum mein basi yar ki khushbu

ik gul pe qanaat hai kahan bahti hawa ko

har waqt liye phirti hai do char ki khushbu

barson jo rahi dafn kisi zakhm-e-jigar mein

pail se ugi aj wo jhankar ki khushbu

awaz pe takiya na lagana kabhi jaafar

khamosh sada deti hai us par ki khushbu