کبھی نازک کبھی بے حد کڑا ہے

کبھی نازک کبھی بے حد کڑا ہے

وہ تغلقؔ سامنے بن کر کھڑا ہے

خراشیں پڑ گئی ہیں آسماں پر

زمیں سے آج شاید وہ لڑا ہے

وہ اب بیکار شے ہے اپنے گھر کی

کبھی اندر کبھی باہر پڑا ہے

زمانہ ساتھ تھا بادل میں اس کے

چمکتی دھوپ میں تنہا کھڑا ہے

خزاں کا رنگ ہے کیسا سہانا

نہ پتہ پیڑ سے کوئی جھڑا ہے

بہت الزام کی بارش ہوئی تھی

نہ ٹھہری بوند وہ چکنا گھڑا ہے

مقدر خواب سائے کا ہے چمکا

مرے قد سے بھی جعفرؔ وہ بڑا ہے

kabhi nazuk kabhi be had kara hai

wo taghlaq samne ban kar khara hai

kharashen par gai hain asman par

zamin se aj shayad wo lara hai

wo ab bekar shai hai apne ghar ki

kabhi andar kabhi bahar para hai

zamana sath tha badal mein us ke

chamakti dhup mein tanha khara hai

khizan ka rang hai kaisa suhana

na pata per se koi jhara hai

bahut ilzam ki barish hui thi

na thahri bund wo chukna ghara hai

muqaddar khwab sae ka hai chamka

mire qad se bhi jaafar wo bara hai