ہر طرف موج بلا کی سی روانی دیکھی

ہر طرف موج بلا کی سی روانی دیکھی

اشک کی گود میں مجبور کہانی دیکھی

ہم بدلتے ہی رہے عشق میں موسم کے مگر

گھر کی چوکھٹ پہ سدا گرد پرانی دیکھی

درد کے صحن کو دشمن نہیں جانا ہم نے

اس میں دل کش نئی دنیا کی نشانی دیکھی

دشت وحشت کی نمائش کا حوالہ دے کر

شہر دل دار کے تیور کی جوانی دیکھی

چاند تاروں کے تلے ہاتھ میں خنجر تھامے

مسکراتی سی کہیں ایک دوانی دیکھی

ایک آواز نئی کان میں گونجی اس دم

جب بھی تصویر زمانے کی سہانی دیکھی

خوش لباسی پہ ہواؤں کی نہ جانا جعفرؔ

اس کے حلقے میں پریشان سی رانی دیکھی

har taraf mauj-e-bala ki si rawani dekhi

ashk ki god mein majbur kahani dekhi

ham badalte hi rahe ishq mein mausam ke magar

ghar ki chaukhat pe sada gard purani dekhi

dard ke sehn ko dushman nahin jana ham ne

is mein dil kash nai duniya ki nishani dekhi

dasht-e-wahshat ki numaish ka hawala de kar

shahr-e-dil dar ke tewar ki jawani dekhi

chand taron ke tale hath mein khanjar thame

muskurati si kahin ek dawani dekhi

ek awaz nai kan mein gunji is dam

jab bhi taswir zamane ki suhani dekhi

khush libasi pe hawaon ki na jana jaafar

us ke halqe mein pareshan si rani dekhi